ta7ayol

فرص عمل جديدة.. زغرطى يا حكومة

دى سلسلة اعلانات جديدة عن فرص عمل ،، مش مهم فيها السن ولا المؤهل ولا الخبرة ولا الواسطة، فى الحقيقة كل يوم اشوف وظيفية جديدة، ومبقتش عارفة هى الناس بتقول انه مفيش شغل فى البلد ليه، قلت يمكن مش عارفين حاجة عن الوظايف دى وجى فى بالى اعمل الاعلانات دى على المدونة، واقول كمان ايه الحجات اللى ممكن تساعد الناس على انها تحصل عليها.

الوظيفة الاولى :

المعايير : لجميع الاعمار من (6 سنوات حتى 65 سنة)

         لا يشترط المؤهل

        الفرص متساوية للذكور وألاناث

       وجود كوبرى مشاة (زى كوبرى غمرة مثلا ) 

عن النهايات الغير متوقعة

عادت احاديث الموت خلال الاسابيع الاخيرة بشكل مكثف لحياتى، بعد

" اجرة…. تاكسى " بس ملاكى

بقالى يجى شهرين كدة وانا ماشية فى اى شارع فى حلوان اجى اوقف تاكسى الاقى عربية ملاكى وقفت، ساعات بتكون جديدة وساعات بتكون نص عمر، قلت يمكن انا شكلى اليومين دول مش ولا بد احترم نفسى واخد بالى من هدومى شوية، بعد فترة لقيت عند محطة المترو اللى انا ساكنة عندها "طرة البلد" كمان عربيات ملاكى بتنادى على اللى عايز يركب، بعدين بقت نفس العربيات فى حلوان بقت تقف وتقول " اجرة..

فين المناديل

زمان.. لا مش زمان قوى لما كنت بدخل حمام مكان عام من اللى بدفع فيهم فلوس كتير كان لازم يكون فى مناديل فى الحمام، فى الفترة الاخيرة مبقتش الاقى المناديل دي وافضل اشتم فى اصحاب المحلات اللى الناس بتدفع فيها كل الفلوس دى ومستخسرين بكرة مناديل فى الزباين، لحد خدت بالى قريب ان البنات اللى بيشغلوا فى الحمام بياخدوا المناديل ولما يلاقوكى محتاسة يسألوا عايزة مناديل ؟؟ وبس مش معنى انى قولت ايوة هخدها لا ده مرهون بانى ادفع بقشيش الاول، وياسلام لو انا مش معايا الشنطة ولا مفيش فاكة فى جيبى طبعا هخرج من الحمام "ايدى" مبلولة.

محمود… عايز يعيش

محمود… شاب عنده 24 سنة ومتجوز بيشتغل فى كافى شوب بيرص شيشة، وطبعا مرتبه مش مقضيه، عارفين بيعمل ايه لو الزبون طلب 5 حجارة يحسبلوا 3 حجرة بس على المحل ويحطلوا اتنين من عنده وياخد هو حقهم(محمود شارى باكو معسل غير بتوع الكافية عشان ميبقاش بيسرق منهم حاجة) هيعمل ايه مهو لازم يعيش، الله يعينه، هو كمان ولد لطيف جدا وبيعامل الزباين كويس قوى وكلهم بيحبوه، وبيستنوا قبل ميحاسبوا يستنوه يجى يقولهم انا منزل (3 بس على الشيك) وهمة يضحكوا بس ياترى كلهم فاهمين محمود بيعمل كدة ليه؟

احتفالية لأطفال الشوارع

يوم الجمعة من الساعة واحدة الظهر لغاية لاالساعة 7 احتفالية يقيمها عدد كبير من منظمات المجتمع المدنى لطفال الشوارع يقام بها عدد من الفعاليات الفنية وورش الفنون. الدعوة العامة للتطوع فى ادارة انشطة اليوم الاتصال بتليفون رقم 0106114257